Juventusi i parë i Igor Tudorit ka fituar, që është gjëja më e rëndësishme në këtë moment, por nuk është se ka bërë tifozët të çmenden. Pavarësisht disa ndryshimeve të vogla në formacion, skuadra ka treguar ende kufizime të dukshme.
Kopmeiners, për shembull. Por është edhe jashtë fushës që klubi bardhezi ka nevojë të bëjë hapa të mëdhenj përpara. “Mungon të qenit juventin”, ka qenë kori që ka ardhur nga shumë fronte gjatë javëve të fundit.
Dhe është ajo që kërkohet nga të gjithë, që të paktën në të ardhmen të ketë më shumë juventinë te “Zonja”. Prania e Xhon Elkanit në stadium pas ndryshimit të trajnerit, ka qenë sinjali i parë. Ka nevojë për një prani më të madhe nga ana e drejtuesve të klubit, sepse paratë ndihmojnë, por nuk mjaftojnë.
Ndoshta e ka kuptuar edhe numri një i Exor, i cili ka trashëguar nga kushëriri një rol kompleks, që shkon shumë më tepër se thjesht i të qenit pronar i klubit bardhezi. Dhe për këtë arsye, pasi iu besua skuadra Tudorit, janë shtuar thashethemet se Xhorxho Kielini do të ketë një përfshirje më të madhe në klub, një njeri që e ka Juventusin në gjak.
Ish-kapiteni është kthyer në Torino vetëm pak muaj më parë dhe ka një pozicion te Juventusi, por shumë shpejt, ai mund të fillojë të punojë ngushtë në pjesën sportive, që për momentin përfaqësohet vetëm nga Kristiano Xhuntoli. Por ka edhe një tjetër emër që populli bardhezi do të donte ta shihte përsëri, jo vetëm si analist televiziv. Bëhet fjalë për Alesandro Del Pieron. Në ndeshjen kundër Xhenoas janë dëgjuar korë të tjera për të.
Ai dhe Kielini janë dy simbole të ADN-së së Juventusit, kaq të lavdëruar dhe të kërkuar këtë sezon, por deri tani kanë mbetur jashtë çdo projekti. Ndoshta ka ardhur momenti për të ndërhyrë edhe në organikën drejtuese, duke bashkuar njerëz të sportit me menaxherë të ekspertizës në llogari, dhe duke provuar të krijohet një grup që e di çfarë do të thotë të jesh Juventusi.
PANORAMASPORT.AL
