Juventusi do të rifillojë përgatitjet për ndeshjen kundër Fiorentinës më 26 dhjetor, sfidë e planifikuar për të dielën më 29. Pas lajmit të mirë për Kopmeiners, i cili nuk pësoi asnjë dëmtim kundër Monzës dhe për këtë arsye do të jetë i disponueshëm, Tiago Mota gjithashtu mund të mbështetet edhe te Doglas Luiz dhe Danilo.
Kapiteni, i cili humbi ndeshjen e fundit, pothuajse është rikuperuar nga dëmtimi që kishte në kyçin e këmbës. Një ndeshje me një shije të veçantë për dy ish-lojtarë, Vlahoviç dhe mbi të gjitha Niko Gonzalez, i cili u largua nga Fiorentina verën e kaluar.
Ashtu si në Brianza, trajneri italo-brazilian do të propozojë formacionin e ri më sulmues me 5 “yje” në fazën ofensive, me Kopmeiners, Konseisao, Niko Gonzalez, Jildiz dhe Vlahoviç. Ndërkohë, si Ueah ashtu edhe Ruhi synojnë 3 janarin dhe gjysmëfinalen e Superkupës së Italisë kundër Milanit. Rikthimi i Milikut po afron, por është ende herët dhe ai duhet të kthehet në grup pas natës së ndërrimit të viteve, pas një mungese gjashtë mujore për shkak të operacionit të dyfishtë në gju.
PANORAMASPORT.AL
