Dëmtimi i rëndë i Federiko Gatit krijon probleme të reja për Juventusin në një pikë kyçe të sezonit. Mbrojtësi duhet të qëndrojë jashtë fushave të paktën për një muaj, duke humbur sfida vendimtare për “luftën” për një vend në zonën Champions, si ajo e së dielës në mbrëmje kundër Romës, por janë të rrezikuara edhe udhëtimet e fillimit të majit me Bolonjën dhe Lacion.
Një problem tjetër për trajnerin e sapoemëruar Igor Tudor, i cili do të duhet të gjejë një zgjidhje për repartin mbrojtës që ndodhet në emergjencë. Sidomos sepse ai luan me formacion me tre mbrojtës dhe aktualisht kanë mbetur vetëm tre qendërmbrojtës, Kalulu në të djathtë, Veiga në mes dhe Keli në të majtë.
ALERNATIVAT- Si alternativë, do të mbeteshin vetëm Savona, i cili në Next Gen ka luajtur edhe në të djathtë në mbrojtjen me tre, dhe Lokateli, i cili mund të tërhiqet mbrapa siç ka ndodhur edhe këtë vit me eksperimentet e Tiago Motës.
Ndërkohë, nga ekipi që luan në Serie C, Tudor ka thirrur Havier Zhil Pushe për ta stërvitur me grupin e tij. 19-vjeçari spanjoll është një qendërmbrojtës dhe ndoshta do të bashkohet me ekipin në vazhdimësi deri në rikuperimin e Gatit. Me shpresën që infermeria e Juventusit të mos vizitohet nga dikush tjetër.
PANORAMASPORT.AL
