Futbollisti shqiptar, Engjell Hoti karrierën do ta vazhdojë te klubi polak, LKS Lodz.
Mesfushori Hoti ka nënshkruar kontratë dyvjeçare me klubin polak, shkruan lajmi.net.
Lajmi është bërë i ditur nga uebfaqja zyrtare e klubit polak në rrjetet sociale.
“Engjell Hoti është bërë lojtar i ri i ŁKS. Klubi ynë ka nënshkruar një kontratë dyvjeçare me mesfushorin, i cili sezonin e kaluar fitoi kampionatin shqiptar”, thuhet ndër tjerash në komunikatën e klubit.
26-vjeçari i bashkohet klubit polak nga Partizani i Tiranës.
Ai më parë karrierë ka bërë edhe në Superligën e Kosovës te Llapi dhe Trepça ’89./Lajmi.net/
