Enis Bardhi mund të rikthehet në Spanjë, gjatë kësaj merkato verore.
Sulmuesi shkupjan, prej një sezoni është pjesë e Trabzonspor në Turqi, me të cilët është aktivizuar në 30 ndeshje.
Sipas raportimeve të fundit, thuhet se interes për anëtarin e përfaqësueses së Maqedonisë, ka shfaqur Valencia.
Këta të fundit kërkojnë ta afrojnë sulmuesin në formën e huazimit.
Nuk dihet nëse Trabzonspor do të pranojë ta largojë 28-vjeçarin në huazim.
Bardhi e njeh mirë La Ligaën, pasi në të kaluarën ka luajtur me skuadrën e Levantes për 5 sezone, para se të transferohej në Turqi.
Bardhi si pjesë e Levantes, kundër Valencias në La Liga kishte zhvilluar plotë 10 ndeshje, duke realizuar edhe 4 gola.
Kujtojmë, Bardhi në La Liga-n spanjolle numëron plotë 148 ndeshje, 23 gola dhe 13 asistime.
