Trajneri Luis Enrique ia ka dedikuar fitoren e vështirë të PSG ndaj Lyon (2-0) lojtarit Khvicha Kvaratskhelia, pas dëmtimit që e ka nxjerrë atë jashtë fushave për pjesën e mbetur të sezonit. Kampionët e Francës fituan falë dy golave në 15 minutat e fundit, duke marrë 3 pikët dhe kreun e Ligue 1.
Spanjolli shfaqi ndjenja krenarie, por edhe trishtimi pas fitores. Atmosfera rreth klubit mbetet e rëndë pas lajmit se gjeorgjiani do të mungojë për pjesën e mbetur të sezonit, pasi pësoi një dëmtim të rëndë kundër Barcelonës, duke lënë një boshllëk të ndjeshëm në vijën sulmuese të PSG.
“Është një fitore shumë e rëndësishme dhe ia dedikojmë atë Kvarës,” deklaroi Enrique, që shtoi: “Grupi është ndërtuar për të konkurruar për çdo trofe të mundshëm. Pra, çdo lojtar është i gatshëm të hyjë në fushë në çdo moment. Kjo fitore shërbeu si dëshmi e qëndrueshmërisë së grupit gjatë një jave të vështirë për klubin”.
“Ne jemi një ekip që synon të fitojë gjithçka. Ky është mentaliteti ynë. Për ta arritur këtë, duhet të jesh gjithmonë gati. Dje, lojtarët që hynë në fushë treguan nivelin e tyre dhe faktin se meritojnë të luajnë më shumë. Është e vështirë për mua si trajner, por më pëlqen ky karakter dhe ky mentalitet,” tha Enrique.
“Sigurisht që ishte një ndeshje shumë e vështirë kundër një skuadre shumë të mirë si Lyon, që ka shumë cilësi individuale dhe një trajner shumë të zotë. Ishte vërtet e vështirë“, shpjegoi Enrique.
