Luis Enrique, trajner i PSG-së, ka folur sot në një konferencë për shtypin në prag të ndeshjes kundër City-t, duke mirëpritur blerjen e Khvicha Kvaratskhelias:
“Në parim, besoj se të gjithë e njohim Kvara-n. Mendoj se është një lojtar që e ka treguar nivelin e tij si te Napoli, ashtu edhe me kombëtaren.
Ai përshtatet në mënyrë të përkryer me idenë tonë të lojës.
Mund të luajë në situata një kundër një, në qendër, madje edhe si numër 9.
Përputhet me idenë tonë të shumëfunksionalitetit, ka aftësinë për të krijuar epërsi numerike. Përshtatet me sistemin tonë. Gjithashtu ka një aftësi të shkëlqyer mbrojtjeje.
Në letër, ai i përshtatet plotësisht idesë sonë të futbollit,” është shprehur Luis Enrique, dukshëm entuziast për afrimin e tij të fundit.
Sa i përket ndeshjes me Manchester City-n e Guardiolës, spanjolli shtoi:
“Nesër është një ndeshje e veçantë, jo vetëm për rëndësinë që ka, por edhe sepse do të takoj një mik me të cilin kam ndarë shumë vite si lojtar dhe trajner.
Është një kënaqësi e madhe ta shoh sërish.
Na bashkon ideja jonë për futbollin, mendoj se askush nuk mund ta vërë në dyshim: përpjekja për të qenë më të mirë se kundërshtari me topin, përpjekja për të ushtruar presionin në mënyrën më të mirë, edhe pse secili prej nesh e përsos modelin e tij.
Mendoj se do të shohim një ndeshje shumë të bukur futbolli.
Ata kanë 8 pikë, ne kemi 7, dhe mendoj se kjo do të jetë një ndeshje ku çdo ekip do të përpiqet të vendosë në fushë armët e tij më të mira.
Jemi një ekip shumë i ri, por kemi shumë cilësi. Duhet të jemi në gjendje ta vështirësojmë ndeshjen për një ekip si City, por është shumë emocionuese.”
