Real Madrid preferon të nënshkruajë me Enzo Fernandez të Chelsea në vend të mesfushorit të Manchester City, Rodri. Lajmin e ka konfirmuar sot e përditshmja spanjolle Marca.
Fernandez, i cili ka një kontratë aktuale në “Stamford Bridge” që zgjat deri në vitin 2032, shtoi spekulimet rreth të ardhmes së tij, duke i thënë një gazete argjentinase se do të “dëshironte të jetonte në Madrid”.
25-vjeçari kishte përdorur më parë humbjen e Chelsea në Champions League ndaj PSG për të hapur derën e një largimi, duke thënë se nuk e di se ku qëndron e ardhmja e tij. Ai tha se do të presë deri pas Kupës së Botës për të vendosur për të ardhmen e tij.
Nga ana tjetër, Rodri i tha shtypit spanjoll javën e kaluar se “nuk mund t’i refuzosh klubet më të mira në botë” kur u pyet për një transferim të mundshëm te Real Madrid në të ardhmen.
Gjithsesi, Florentino Perez nuk dëshiron të nënshkruajë me Rodri dhe në vend të kësaj gjigantët spanjollë po përgatiten për një qasje për Fernandez. Kjo edhe për faktin se
Chelsea po planifikon të nënshkruajë një tjetër mesfushor këtë verë.
Ndaj, Fernandez nuk konsiderohet i paprekshëm në “Stamford Bridge”. Megjithatë, Chelsea do të shqyrtonte vetëm një ofertë prej më shumë se 100 milionë eurosh për të lënë të lirë një nga lojtarët e tyre kryesorë.
