Mesfushori argjentinas, Enzo Fernandez, ka bërë të qartë se është i gatshëm të ndërmarrë çdo hap të mundshëm për t’u transferuar te Real Madridi
.
Klubi spanjoll është shumë i interesuar për shërbimet e tij, por çmimi i lartë i transferimit mbetet një sfidë e konsiderueshme.
Sipas raportimeve të fundit, Chelsea vendosi të pezullojë përkohësisht Fernandezin, pas komenteve ku lojtari nënkuptoi se klubi londinez ishte vetëm një “trampolinë” drejt Real Madridit.
Bordi dhe stafi teknik vendosën t’i japin një periudhë pushimi për të treguar pakënaqësinë ndaj deklaratave të tij.
Megjithatë, ky penalizim duket se ka rritur vendosmërinë e mesfushorit për të lënë ‘Stamford Bridge’.
Gazetari Eduardo Inda, gjatë paraqitjes së tij në programin El Chiringuito de Jugones, deklaroi: “Enzo Fernandez do ta luftojë këtë deri në fund. Ai nuk do të ndalet dhe do të kërkojë me forcë transferimin e tij”.
Edhe pse qëndrimi i lojtarit mund të ndihmojë në lehtësimin e transferimit, drejtuesit e Real Madridit e konsiderojnë operacionin ende shumë të vështirë.
Rodri apo Enzo Fernandez, kë duhet ta transferojë Real Madridi?
Chelsea kishte shpenzuar 121 milionë euro për Fernandezin, dhe duket e pamundur që të pranojnë një ulje të konsiderueshme të çmimit.
Sipas raportimeve të OK Diario, strategjia e mundshme e Madridit përfshin uljen e kostos përmes shitjes së lojtarëve jo thelbësorë për sezonin e ardhshëm, me përmendje të veçantë për mesfushorin francez Eduardo Camavinga dhe sulmuesin spanjoll Gonzalo Garcia.
Sidoqoftë, saga e transferimit të Fernandezit pritet të zgjasë gjatë gjithë verës, me një zgjidhje të mundshme vetëm në javët e fundit të gushtit, një praktikë e njohur e presidentit Florentino Perez. /Telegrafi
