Pas ekstazës së Ligës së Europës duke u kualifikuar në mënyrë dramatike kundër Lionit, “Djajtë e Kuq” iu rikthyen kampionatit duke vijuar me humbje.
Ajo e djeshmja ishte e 15-ta në Premier League, duke bërë që djemtë e Amorim t’i afrohen rekordit negativ (16 humbje) të rreth 35 viteve më parë. Këtë herë “xhelati” për Junajtid ishte Uolvesi, që morri tri pikë të rëndësishme në “Old Trafford” falë Pablo Sarabias dhe atij goli të shënuar në minutën e 77-të.
Pas ndeshjes, Ruben Amorim, në përpjekje për komentuar paraqitjen e të tijve, deklaroi: “Mendoj se nuk është momenti më i mirë apo sezoni më i mirë për të hedhur të rinjtë në fushë, sepse, përsëri, ata kanë nevojë për një bazë të fortë për të treguar me të vërtetë se çfarë mund të bëjnë.
Por dje isha i detyruar sepse shumë ishin të lodhur nga ndeshja me Lionin. Ka qenë një vit me ulje e ngritje, por le të mundohemi ta mbyllim sa më mirë”.
PANORAMASPORT.AL
