Brahim Díaz ka humbur rëndësinë në Madrid, ndërsa sezoni ka nisur zyrtarisht në Spanjë. Lojtari nga Malaga, i rikthyer në Madrid pas tri sezoneve huazimi te Milani, iu bashkua grupit të parë të lojtarëve në Valdebebas dhe kjo i dha mundësinë që dy javë më vonë të niste miqësoren e parë të turneut, pikërisht kundër ish-skuadrës së tij. Ai luajti 45 minutat e para duke lënë një shije të mirë, sidomos për shkak të kombinimit me një tjetër prej të sapoardhurve, Bellingam.
Kundër Junajtidit, në miqësoren e dytë, ai luajti gjysmën e fundit të takimit. Që nga ky takim, angazhimi i tij ka ardhur në rënie: 7 minuta në Dallas kundër Barcelonës dhe 13 minuta në humbjen kundër Juventusit. Në total, vetëm 93 minuta në katër ndeshje përgatitore. Ndërkohë që dhe me fillimin e sezonit në La Liga, për të nuk pati asnjë minutë ndaj Bilbaos. Me sa duket shkëlqimi i mesfushorit ka nisur të zbehet shpejt.
PANORAMASPORT.AL
