“Një Gjermani e motivuar, nëse mban këtë ritëm…”. Trajneri i njohur, Ernest Gjoka nuk ka dyshime për potencialin e gjermanëve, që në debutim në “Euro 2024” shkatërruan Skocinë me rezultatin 5-1.
I pranishëm në “Europiani 3D”, në RTSH, Gjoka theksoi: “Kjo Gjermani që pamë sot, ishte shumë e motivuar. Në futboll është shumë e rëndësishme që të kesh motiv dhe uri për të arritur objektivin”.
Për Nagelsmann – “Sigurisht që ka bërë një skuadër ndryshe. Një skuadër që ka kompaktësi në të gjitha fazat e lojës, një forcë dhe agresivitet shumë të madh”.
Skoci e dobët, apo Gjermani e fortë? – “Prisja një Skoci më të fortë, më agresive. Por Gjermania u tregua shumë më e fortë se skocezët. Ndoshta dhe kundërshtari ia bëri më të lehtë, por Gjermania me atë që tregoi sot, po bëri këtë futboll, po mbajti këtë ritëm, sigurisht që do jetë pretendente”.
Një kundërshtar për gjermanët – “Një nga ekipet që mund ta shqetësojë më shumë, mendoj se është Spanja, për sistemin dhe cilësitë që ka në posedimin e topit”.
