Futbollisti i Kombëtares së Shqipërisë, Ernest Muçi, po shkëlqen në fanellën e Legia Varshavës.
Ai ka realizuar dy gola në fitoren 3:1 të Legias ndaj Widzew Lodz në ndeshjen e javës së pestë të elitës së futbollit polak.
21-vjeçari shënoi në minutën e gjashtë të takimit teksa shfrytëzoi në maksimum një pasim nga portieri i tij.
I gjendur përballë portës kundërshtare, ish-futbollisti i Tiranës nuk fali dhe shënoi golin e tij të parë në kampionatin polak teksa më herët kishte shënuar vetëm në kualifikueset evropiane për Legian.
Golin e dytë Muçi e shënoi me një goditje breza zonës në minutën e 75-të.
Legia i prinë renditjes me 13 pikë të mbledhura.
Muçi konsiderohet një ndër lojtarët më të talentuar shqiptar.
Ai është ftuar nga përzgjedhësi i Shqipërisë Sylvinho për ndeshjet e shtatorit ndaj Çekisë dhe Polonisë, të vlefshme për kualifikimet e Botërorit që organizohet vitin që vjen në Gjermani.