Ish-sulmuesi i Kamerunit Samuel Eto’o ka zbuluar lëvizjen gjeniale të Jose Mourinhos që e bindi atë të bashkohej me Interin në vitin 2009.
Sapo fitoi Triplete-n me Barcelonan, Eto’o befasoi tifozët e klubit katalanas pasi vendosi t’i bashkohej gjigantëve italianë.
Ish-sulmuesi i Kamerunit vazhdoi të fitojë një tjetër Triplete, duke ndihmuar Inter-in të fitojë Serinë A, Coppa Italia dhe Champions League. Ai u bë lojtari i parë që fitoi Triplete-n me dy klube të ndryshme.
Sipas Eto’o, trajnerit portugez iu desh vetëm një foto për ta bindur atë të merrte atë vendim të guximshëm për t’u transferuar në kampionatin italian.
“Mourinho më bindi në një mënyrë të thjeshtë”, tha Eto’o për Gazzetta dello Sport.
“Ai më dërgoi një foto të fanellës me numër 9 të Interit dhe më shkroi duke thënë: ‘Është e jotja, po të pret’.
“Më pas, Marco Materazzi më dërgoi një mesazh duke më thënë: ‘Nëse vjen tek Inter, ne do të fitojmë gjithçka’”.
“Një gjë e tillë nuk më kishte ndodhur kurrë gjatë gjithë karrierës sime dhe ai mesazh kishte peshë të madhe në vendimin tim”.
Eto’o u bë një legjendë për zikaltrit përpara se më vonë të largohej për t’u bashkuar me klubin rus Anzhi Makhachkala në 2011-ën.
