Me ndeshjet e fundit të ditës së tretë të grupeve E dhe F, është kompletuar fotografia për fazën e 16-shes të Euro 2024, janë përvijuar sfidat e raundit tjetër.
Faza me eliminim direkt nis të shtunën me sfidën Zvicër-Itali në Olympiastadion të Berlinit duke nisur nga ora 18:00, për ti lënë radhën më pas Gjermani-Danimarkë në Westfalenstadion të Dortmundit, ora 21:00.
Të dielën luhen dy ndeshjet e tjera: Angli-Sllovaki(18:00) dhe Spanjë-Gjeorgji(21:00). Të hënën, Franca përballet me Belgjikën(18:00), ndërsa Portugalia me Slloveninë(21:00). Rumani-Holandë, të martën në orën 18:00, ndërsa raundi mbyllet me sfidën Austri-Turqi në orën 21:00.
