Kroacia e nisi me humbje Euro 2024, duke u dorëzuar përballë Spanjës që i shënoi 3 gola. Ndeshja e dytë me Shqipërinë është tepër e rëndësishme, pasi edhe Kuqezinjtë duan 3 pikët në këtë sfidë pasi nuk arritën në përballjen hapëse me Italinë.
Mesfushori me tipare sulmuese Lovro Majer tha se skuadra e Sylvinho ka si pikë të fortë grupin dhe se ka motiv për të fituar.
“Shqipëria ka një ekip shumë i mirë, i kemi parë në ndeshjen kundër Italisë. Ata kanë lojtarë të mirë, por forca e tyre është ekipi, kjo është cilësia e tyre më e madhe. Ata janë shumë të motivuar dhe të uritur për fitore, por nëse ia dalim ndaj tyre dhe Italisë, mund të shikojmë për më tej”, tha Majer.
Kjo do të jetë ndeshja e parë mes Shqipërisë dhe Kroacisë. Kombëtarja shqiptare kërkon që të kalojë përtej fazës së grupeve, ndërsa përfaqësuesja kroate që është pjesëmarrjen e shtatë në Europian ka si rezultat më të mirë çerekfinalet në 1996 dhe 2008.
