Policia gjermane raportohet se është e shqetësuar se tifozët e Anglisë mund të përfshihen në telashe të mëdha para ndeshjes me Serbinë, të qenë të provokuar nga racistët serbë.
Gareth Southgate dhe skuadra e tij do të përballen me Serbinë në atë që është konsideruar si një ‘ndeshje me rrezik të lartë’ nga autoritetet lokale.
Rreth 500 huliganë nga Serbia pritet të udhëtojnë në Gjermani për ndeshjen së bashku me 5000 tifozë të rregullt. Anglia, ndërkohë, do të mbështetet në Gelsenkirchen nga deri në 40,000 tifozë me rreth 500,000 të vendosur për të udhëtuar në Gjermani gjatë turneut.
Shefat e policisë dhe sigurimit e kanë cilësuar ndeshjen e së dielës si një pikë të mundshme për shkak të frikës se tifozët serbë mund të fishkëllojnë himnin kombëtar anglez, sipas The Mirror, mundësia e telasheve thuhet se ka ngritur alarmin, por autoritetet gjermane thuhet se janë të bindura se do ta kenë nën kontroll.
Ka plane për të përballuar çdo incident të mundshëm, ndërsa stadiumet do të shërbejnë birrë me pak alkool në ndeshjet e zgjedhura. Do të ketë gjithashtu një prani të madhe policore në zonat e tifozëve në të gjithë Gjermaninë, ku tifozët pa bileta mund të shikojnë ndeshjet në një ekran gjigant.
/GazetaBlic Sport/
