Kampionati Evropian i futbollit do të vazhdojë rrjedhën e tij edhe me tri ndeshjet të tjera sot në kuadër të fazës së grupeve. Nga ora 15:00 në stadiumin “Merkur Spiel-Arena” do të ndeshen Sllovakia dhe Ukrainë në kuadër të grupit E.
Sllovakia e fitoi ndeshjen e parë kundër Belgjikës, kurse Ukraina pësoi disfatë nga Rumania, raporton KosovaPress.
Më tutje, nga ora 18:00 stadiumin “Olympiastadion” në Berlin pret duelin ndërmjet Polonisë dhe Austrisë në grupin D. Këto dy skuadra do të kërkojnë fitoren e parë në këtë grup pasi u mposhtën nga Holanda, përkatësisht Franca.
Ndeshja e fundit e ditës së sotme do të jetë ajo ndërmjet Holandës dhe Francës, dy skuadrat liderë të grupit D dhe fituesi i këtij ballafaqimi do ta siguronte kualifimin në fazën tjetër.
