Franca dhe Italia janë skuadrat e para gjysmëfinaliste të Kampionatit Europian të moshës deri në 19 vjeç në futboll për vajza, që po luhet në Poloni dhe që po vjen drejtpërdrejtë në rrjetin e Radio Televizionit Shqiptar. Italia është kualifikuar si e dyta e grupit A e kjo pavarësisht humbjes me Francën.
Por ajo që e ndihmoi ishte golaverazhi më i mirë se sa Polonia. Francezet kanë kaluar në avantazh në të 33’ dhe Lushimba-Bilombi. Në pjesën e dytë, Italia arrin të barazojë me Shiabikën në të 60’. Mirëpo në të 74’, Dufur, që ka lënë nga pas mbrojtjen italiane, ka befasuar portieren Beli dhe 2-1.
Në ndeshjen tjetër, Polonia fitoi me Suedinë 5-0 dhe si e tretë do të luajë në Play-off me të tretën e grupit B për të përcaktuar skuadrën e pestë të zonës Europiane në Botërorin e moshës deri në 20 vjeç. Kampionati Europian i moshës deri në 19 vjeç përfundon më 27 qershor.
