Euroliga nuk ka duruar provokimet dhe incidentet që shkaktuan tifozët famëkeq të Cërvena Zviezdës së Beogradit në ndeshjen e basketbollit me Real Madridin.
Gara elitare evropiane i ndëshkoi klubin famëkeq serb me 16 mijë euro dhe ulje të kapacitetit të Arenës së Beogradit në 80 për qind.
“Cërvena Zvezda është gjobitur me 16,000 euro dhe ndeshja e radhës do të luhet me kapacitet të kufizuar prej 80 për qind, duke përfshirë mbylljen e disa sektorëve, për shkak të incidenteve të shumta të krijuara nga tifozët e saj gjatë ndeshjes Cërvena Zvezda – Real Madrid, sipas neneve 29.2.f) dhe 29. B të Kodit të Euros”, thuhet në njoftim.
Fenerbahce u gjobit me 7000 euro për incidentin ndaj Baskonias dhe Panathinaikos u gjobit me 5000 euro për hedhjen e sendeve në takimin kundër Parisit.
