Italia ka marrë menjëherë kreun e Grupit B në Kampionatin Europian U17 që po zhvillohet në vendin tonë. Italianët kanë mundur sot në “Niko Dovana” të Durrësit Çekinë, duke e parë veten të vetëm në kryesim.
Edhe pse çekët ishin më kërkues në pjesën e parë, ishte Italia ajo e cila e mbylli atë në avantazh të dyfishtë me Inacio dhe Arena të cilët tundën rrjetën e portës së mbrojtur nga Kuçar.
Srb shkurtoi diferencën në fillimin e pjesës së dytë dhe më pas ishte Çekia ajo e cila kërkoi më më me ngulm të gjente rrjetën, por nuk ia doli të bënte një gjë të tillë deri në vërshëllimën përfundimtare, duke bërë që italianët ta nisnin turneun me një fitore 2-1.
Kësisoj, Italia është e vetme me 3 pikë në kreun e grupit, duke përfituar nga barazimi mes Anglisë dhe Belgjikës në ndeshjen tjetër. Takimet e radhës të këtij grupi janë Itali-Angli dhe Belgjikë-Çeki.
Goli i Inacio (VIDEO)
Goli i Arena (VIDEO)
Goli Srb (VIDEO)
PANORAMASPORT.AL
