Ndeshja e FA Cup mes Millwallit dhe Crystal Palace ka marrë vëmendje kohët e fundit.
E gjithë kjo vjen pas ndërhyrjes horror të portierit të Millwallit, Liam Roberts ndaj sulmuesit Jean-Philippe Mateta.
Veprimi i pamatur i portierit rezultoi që Mateta të pësonte një plagë të konsiderueshme që kërkonte 25 qepje.
Federata angleze (FA), ka lëshuar një deklaratë rreth kësaj çështje.
“FA ka paraqitur një kërkesë për të rritur sanksionin e Liam Roberts pas përjashtimit të tij në ndeshjen e Kupës FA midis Millwall dhe Crystal Palace të shtunën, 1 mars.
Portieri u përjashtua nga loja për faull të rëndë rreth minutës së 6-të. FA pretendon se në këto rrethana dënimi standard për këtë vepër është qartësisht i pamjaftueshëm.
Liam Roberts ka kohë deri të enjten, 6 mars, për të dhënë një përgjigje”, deklaroi FA.
Ndeshja e përmendur mes Millwall dhe Crystal Palace u përfundua me rezultat 3-1 në favor të Palace, të cilët kanë arritur fazën e çerekfinales.
