Vetëm një vit, mes uljeve dhe ngritjeve, klasit dhe dëmtimeve, me një Kupë Bote në mes të fituar, Angel Di Maria largohet zyrtarisht nga Juventus.
Këtë gjë e ka konfirmuar vetë klubi bardhezi, duke njoftuar se “Fideo” nuk do të jetë më pjesë e klubit.
“Rrugët e Angel Di Maria dhe Juventus ndahen pas një sezoni. Ai mbërriti në 22 korrik. Angel kishte nënshkruar një kontratë vjetëore pas aventurës së tij të gjatë me PSG, duke shtuar Serie A në listën e eksperiencës së karrierës së tij të jashtëzakonshme. Aventra e tij me Juventusin përfundoi me 40 ndeshje të luajtura, ndezje të klasit të madh dhe 8 gola të shënuar, të ndarë në mënyrë të barabartë midis kampionatit dhe Europa League.
Ndër më të rëndësishmit është padyshim goli në debutimin e tij kundër Sassuolos, një moment që bëri që tifozët e Allianz Stadium të shpërthejnë”, shkruan klubi në njoftimin zyrtar.
Në fund ata e mbyllin me një falenderim për argjentinasin.
“Falemindërit për gjithçka “Fideo” dhe fat të mirë për të ardhmen!”.
E ardhmja e Angel Di Maria pritet të jetë te Benfika në Portugali, klubi i cili i dha mundësinë të shënjestrohej nga Real Madrid./h.ll/abcnews.al
