Krahas fanellave të lojtarëve të Izraelit, në dhomën e zhveshjes, në stadiumin “Fadil Vokrri” u vendos edhe një fanellë pa numër dhe me emrin “Nave”.
Nave Shoham është një vajzë 8-vjeçare izraelite e cila u rrëmbye nga militantët e Hamasit në Gaza.
Ajo u rrëmbye bashkë me familjen e saj, ndërkaq militantët e Hamasit rrëmbyen edhe gjithë familjen e saj.
Andaj, izraelitet vendosën që emri i saj të jetë pjesë e ekspeditës së Izraelit në ndeshjen e parë që prej kur nisi lufta në Lindjen e Mesme.
Kosova triumfoi 1:0 kundër Izraelit, në stadiumin “Fadil Vokrri” në Prishtinë.
Milot Rashica ishte autori i golit që vulosi epilogun përfundimtar të përballjes./Lajmi.net/
