Vedat Muriqi ishte figura kryesore e skuadrës së Majorkës sezonin e kaluar duke i ndihmuar ata që të pozicionohen në vendin e nëntë me 50 pikë.
Në këtë drejtim, reprezentuesi kosovar kontribuoi me 15 gola, shifër kjo që e futi atë në listën e top pesë golashënuesve më të mirë të kampionatit spanjoll, raporton lajmi.ne.
Kontributi i tij po vazhdon të vlerësohet nga Majorka që do t’ia besojë atij udhëheqjen e sulmit edhe në sezonin e ri, derisa sot, faqja zyrtare e La Ligas ka ndarë videon me përmbledhjen e 15 golave të Muriqi.
“15 gola për Piratin sezonin e kaluar”, është shkrimi mbi këtë video, e të cilën mund ta ndiqni më poshtë.
