Masimiliano Farris ishte ditën e djeshme në rolin e trajnerit të parë tek Interi pasi Inzagi ishte i pezulluar.
“Sigurisht që jemi të lumtur për fitoren dhe për faktin që e dominuam ndeshjen nga fillimi deri në fund. Ishte një sfidë ndaj një rivali të fortë që bëri gjithçka për të na vënë në vështirësi. Ne besojmë tek të gjithë lojtarët. Asllani bëri një paraqitje pozitive.
Nuk është e lehtë të mbash veshur fanellën e Interit sepse ke shumë presion. Ndaj Venecias luajti mirë, edhe me Bolonjën nuk bëri keq. Ne kemi besim tek të gjithë dhe ai e di se ku duhet të përmirësohet. Duhet të vazhdojmë kështu sepse kemi ndeshje të tjera shpejt.
Asllani tregoi se i përket kësaj skuadre. “, ka thënë Farris.
PANORAMASPORT.AL
