Fitorja në Sllovaki e ka ndryshuar statusin e Kosovës, që tashmë ka më shumë shanse për të shkuar në Botërorin 2026. Sipas të dhënave të “Football Meets Data”, Italia është kandidate kryesore për të fituar në finalet e Play-off-it.
Në renditjen e saj, “Dardanët” mbajnë vendin e 5-të, me 45% shanse për të shkuar në Kupën e Botës. Kosova renditet e para te skuadrat jofavorite, por ajo mund të bëjë befasinë në sfidën e 31 marsit kundër Turqisë.
Italia, gjithmonë sipas “Football Meets Data”, ka 70% shanse për të shkuar në Botëror. Pas saj vijnë me radhë Suedia, Danimarka dhe Turqia. Kjo e fundit ka 55% shanse ndaj 45% të Kosovës.
Polonia, skuadra që eliminoi Shqipërinë, ka 44% shanse të kualifikohet dhe kjo tregon se ka shumë pak diferenca. E fundit është Bosnjë Hercegovina me 30%.
