Federata e Basketbollit e Kosovës (FBK), të premten ka njoftuar se biletat për ndeshjen finale të Kupës së Kosovës do të shiten për klubet finaliste, Trepçës dhe Bashkimit.
“Gjithsej do të ndahen nga 750 bileta për Klubin e Trepçës dhe 750 për Bashkimin.
Biletat e thjeshta kushtojnë 5 Euro, kurse ato VIP nën kosh kushtojnë 15 Euro, që janë në sasi më të vogël dhe po ashtu janë në menaxhim të klubeve finaliste”, thuhet në njoftimin e FBK-së.
FBK ju bën thirrje tifozëve që të kenë sjellje sa më korrekte dhe finalja e Kupës të jetë spektakël i basketbollit.
Ndeshja finale zhvillohet më 12 shkurt në Prishtinë nga ora 19:00.
