Skuadra me renome Prishtina ka bërë të gjitha përgatitjet e duhura në prag të ndeshjes së Superkupës së Diasporës, ku ndeshet me Kastriotin nga Stukenbrock, fitues i Kupës për Gjermani.
Ndeshja pritet të jetë e mirë dhe luhet në Kampin Nacional në Hajvali.
“Si fituese e Kupës së Kosovës, FC Prishtina do të përballet me fituesin e Kupës së Kosovës për Gjermani, FC Kastrioti Stukenbrock.
Ndeshja do të zhvillohet të mërkurën në ora 13:00 në Kampin Nacional në Hajvali.
Ky aktivitet është tradicional tash e disa vite dhe organizohet nga Federata e Futbollit e Kosovës.
Kjo ndeshje ka për synim që të afrojë bashkatdhetarët tanë me vendlindjen, por njëherësh të promovojë pasionin dhe talentin e futbollit të bashkatdhetarëve tanë në Diasporë”, njofton FC Prishtina.
