Humbja e Shqipërisë dhe barazimi i Kroacisë me Italinë, nxorri dy skuadrat përfundimisht nga Euro 2024.
Por një dinamikë e krijuar në grupin E, e kombinuar edhe me eliminimin e kuqezinjve, rrezikon të rikthejë fenomenin e “biskotës”, ku dy skuadra të ndajnë mes tyre një barazim dhe të kualifikohen së bashku.
Bëhet fjalë për ndeshjen Sllovaki- Rumani, të cilat nëse ndajnë nga një pike mes tyre, do ta shohin veten në turin tjetër, pavarësisht se si del ndeshja Ukrainë- Belgjikë. Kjo ndodh për shkak të klasifikimit si një nga ekipet e treta më të mira. Këtë mundësi e ka lënë hapur humbja e Shqipëria ndaj Spanjës.
Tashmë vendi i tretë i Grupit E mund të kualifikohet pasi as Hungaria apo Kroacia nuk mund ta arrijnë këtë grup në pikë.
Në rast të një barazimi mes Sllovakisë dhe Rumanisë, sllovakët do të qëndronin në vendin e tretë me katër pikë dhe golavarazh zero, çka matematikisht i jep mundësinë që të jenë një nga katër skuadrat më të mira të vendeve të treta në gjashtë grupet e europianit.
Nëse ndonjë prej dy skuadrave fiton, humbësja nuk do të eliminohej direkt derisa të shikohej se si do të përfundojë renditja e pjesës tjetër të grupeve. Edhe në këtë mënyrë secila prej dy skuadrave ka mundësi të kualifikohet, por me një barazim do të ishin të sigurta.
Llogaritë janë të qarta pasi ekipet janë barazim në 3 pikë. Dy ekipet që do fitojnë do të shkojnë në raundin tjetër. Nëse në të dy ndeshjet do të barazohej, do të jenë ukrainasit që do të mbeten jashtë dhe grupi do të renditej kështu: Rumania e para, Belgjika e dyta dhe Sllovakia e treta.
“Biskota” nuk është e panjohur për një Europian. Për këtë duhet të kthehemi pas 20 vjet dhe kështu do të gjejmë origjinën e këtij termi në botën e futbollit.
Në Kampionatin Europian që u zhvillua në Portugali në vitin 2004, Italia kishte nevojë që të mundte Bullgarinë dhe Danimarka e Suedia të mos barazonin që ajo të avanconte.
Italianët i bën detyrat e shtëpisë dhe fituan 2-1. Nga ana tjetër Suedia dhe Danimarka barazuan 2-2. E kështu, Italia u eliminua.
