Kampionati Europian po afron dhe Anglia është një nga kombëtaret që synon të triumfojë në fundin e edicionit që zhvillohet në Gjermani. “Tre Luanët”, turneun e fundit europian e humbën në finale përballë Italisë dhe tashmë synojnë të ndryshojnë historinë.
Legjenda e futbollit anglez, Rio Ferdinand i jep një këshillë trajnerit Gareth Southgate.
Ish-mbrojtësi e “fton” trajnerin e kombëtares të luajë në mesfushë me Declan Rice dhe me dyshen Bellingham-Foden për të pasur sukses.
Italia me pesë skuadra në Champions, mjafton vetëm një kombinim për t’u zyrtarizuar
“Do të vendosja Rice në mesfushë në rolin e shkatërruesit dhe përpara dyshen Foden-Bellingham.
Do t’i lija të lirë ata, thjesht do u thoja të luanin siç ata dinë dhe të fitojnë ndeshjet dhe në fund Europianin. Nëse do të kenë lirinë e duhur në fushë, atëherë ata të dy na japin Europianin”, u shpreh Ferdinand.
