Rio Ferdinand ka lënë të kuptohet se Mançester Junajtid mund të jetë duke dërguar një mesazh me vendimin e tyre për të hequr Sër Aleks Fergusonin nga borderoja e tyre e pagave.
Dje u zbulua se trajneri legjendar i Junajtid ishte hequr nga fatura e pagave të klubit, pasi kishte mbajtur më parë një rol ambasadori. Vendimi, që besohet të jetë nxitur nga masat e reja të “Ineos” për uljen e kostove, pa trajnerin fitues 13-herë të Premier Ligës të humbiste pagën e tij prej 2.1 milionë paundësh në vite me gjigantët e Mançesterit.
Shpenzimet për një paketë të tillë ishin më shumë se sa fitojnë pesë lojtarë të ekipit të parë të Junajtidin, përfshirë talentin Kobie Meino. Duke lënë të kuptohet se vendimi për të sakrifikuar një emër si Fergi mund të dërgojë një mesazh për të gjithë në klub se askush nuk është i sigurt nën regjimin e ri,
Ferdinand shkroi në rrjetet sociale: “Nëse Sër Aleks mund të largohet, atëherë askush nuk është i sigurt te Junajtid. ‘Ineos’ po i dërgon një mesazh dikujt në klub?!?”
PANORAMASPORT.AL
