Ferizaj ka prezantuar një lojtar të martën mbrëma.
Bëhet fjalë për futbollistin nga Kameruni, sulmuesin Benato Bekima Claude.
“FC Ferizaj me kënaqësi njofton afrimin e Benato Bekima Claude, 19-vjeçar, i cili bashkohet me familjen bardhë e kaltër. Qendërsulmuesi vjen nga FC Riga (Letoni) dhe është gjithashtu pjesë e Kombëtares U21 të Kamerunit”, ka shkruar Ferizaj.
Te Ferizaj presin shumë nga Bekima, të cilin e kanë quajtur “shtysë e rëndësishme për repartin ofensiv dhe një investim me vlerë për të tashmen dhe të ardhmen e klubit tonë”.
19-vjeçari, së fundmi u paraqit për Nevezhis Kedainiai, ekip nga Lituania.
