Gjatë një interviste dhënë për Wayne Rooney, në programin e tij në BBC, kapiteni i Manchester United analizoi rritjen e fundit të skuadrës dhe ndikimin e ndryshimit në pankinë.
Mesfushori portugez theksoi se dhoma e zhveshjes u befasua nga ngritja e shpejtë në renditje pas ardhjes së trajnerit Carrick: “Kur erdhi Michael, nuk do ta kishim imagjinuar kurrë që në këtë pikë të sezonit do të ishim të tretët. Kujtoj se se skuadra ndodhej në vendin e gjashtë para ndryshimit të trajnerit”.
Fernandes vlerësoi veçanërisht punën e përditshme të Carrick, sidomos përgatitjen e ndeshjeve dhe menaxhimin e grupit: “Mënyra si i përgatit ndeshjet dhe si flet me ne tregon se nuk është thjesht një ndihmës-trajner, por dikush i gatshëm për një rol më të madh”.
Ai theksoi se ndryshimi ka sjellë identitet dhe besim të ri në skuadër, duke e kthyer Manchester United në garë për kualifikimin në Champions League.
