FC Feronikeli ‘74 ka zyrtarizuar një tjetër përforcim për sezonin e ri, duke prezantuar mesfushorin kroat Kresimir Luetic.
29-vjeçari, i lindur në Split, është tashmë pjesë e skuadrës nga Drenasi, pas arritjes së marrëveshjes mes palëve.
Luetic aktivizohet kryesisht si mesfushor ofensiv, por mund të luajë edhe në të dy krahët e sulmit. Futbollisti me këmbë të majtë njihet për kreativitetin, vizionin në lojë.
Sezonin e kaluar ai ishte pjesë e NK Jarun në Ligën e Dytë të Kroacisë, ku zhvilloi 34 ndeshje dhe realizoi 13 gola, duke qenë një nga lojtarët më të spikatur të skuadrës.
Teilen:
