Aventura e trajnerit italian Giovanni Colella te Feronikeli ’74, ka përfunduar ashtu siç filloi, pa bujë.
Colella, i cili mori drejtimin e ekipit nga Drenasi pa ndonjë njoftim zyrtar, u largua në heshtje.
Bëhet e ditur se italiani është shkarkuar nga Feronikeli ’74 pas rezultateve të dobëta në stinorin pranveror, ku në tri ndeshje të luajtura, dy në kampionat dhe një në kupë, ka regjistruar po aq humbje.
Colella mori drejtimin e Niklit në fund të muajit gusht për ta zëvendësuar Shefki Kuqin, ndërsa me ekipin kosovar kishte firmosur kontratë dyvjeçare.
Për momentin, Feronikeli ’74 është favorit për të rënë nga Superliga pasi zë vendin e fundit të tabelë me 10 pikë të mbledhura pas 20 ndeshjeve të luajtura.
