Karlo Ançeloti ka marrë frymë thellë pas vendimit më të fundit të UEFA-s sa u përket ndëshkimeve për festime te tepruara të futbollistëve të tij pas fitores në derbin ndaj Atletikos në Ligën e Kampioneve.
Për fatin e mirë të trajnerit italian, ai do të ketë në dispozicion të gjithë lojtarët për duelin ndaj Arsenalin, pasi UEFA ka zgjedhur rrugën e zakonshme, atë të gjobave, duke mos pezulluar ata që ishin përfshirë pas penalltive në festimet e çmendura poshtë ultrasve të Atletikos. Rydiger, i cili bëri me shenjë sikur po u priste qafën, është ndëshkuar nga UEFA me një gjobë prej 40 mijë eurosh, Mbape i cili u tregoi organet gjenitale, me një gjobë prej 30 mijë eurosh, ndërsa Sebajos është ndëshkuar me 20 mijë euro.
I vetmi që ka dalë ”i larë” edhe pse emri i tij ishte dërguar në komisionet e UEFA-s, ishte Vinicius, i cili ka dalë i pafajshëm.
Atletiko Madrid kishte bërë ankimim në UEFA dhe kërkonte ndëshkimin e ashpër të futbollistëve, por UEFA ka vendosur si zakonisht të mos marrë masa drastike, duke hequr nga fusha e lojës disa prej protagonistëve kryesorë të turneut të saj më të rëndësishëm për klube.
PANORAMASPORT.AL
