Kryetari i Federatës së Basketbollit të Kosovës, Arben Fetahu, është i tronditur me lajmin se ka ndërruar jetë Tyrkan Kosova, ish kryetari i KB Bashkimit nga Prizreni.
Kosova ka dhënë kontribut të madh në basketbollin tonë.
“E nderuar Familja Kosova, e dashur komunitet i basketbollit, me pikëllim të madh kemi marrë lajmin për ndarjen nga jeta të Tyrhan Kosovës.
Kosova ka dhënë kontribut në basketboll, si ish-basketbollist i dalluar i Bashkimit, kurse së fundmi ishte edhe kryetar i KB Bashkimi në vitin 2022.
Ai ka gëzuar respekt të madh në basketboll dhe në fushën e mjekësisë, ku shërbeu për vite të tëra.
Ndarja nga jeta në moshën 62 vjeçare na ka pikëlluar të gjithëve, por Kosova do të mbahet mend si punëtor shumë i dalluar dhe shembull për të gjithë ne.
Në emrin tim personal dhe të Federatës së Basketbollit të Kosovës dua të shpreh ngushëllimet më të sinqerta për familjen Kosova dhe gjithë komunitetin e basketbollit”, ka shpreh ngushëllim Fetahu.
