Feyenoord nuk pati mëshirë në atë që konsiderohet si klasikja e futbollit holandez ndaj Ajaxit.
Vendasit triumfuan me rezultatin tenistik 6-0, duke shënuar nga tre gola për pjesë dhe duke poshtëruar në këtë formë rivalët e përjetshëm.
Llogaria e golave u hap në minutën e 34 me Paixao ndërsa një minutë më pas shënoi edhe Minteh.
Tronditja te lojtarët e Ajax ishte e dukshme dhe në minutat shtesë të pjesës së parë, pësuan edhe të tretin me Hancko.
Në fraksionin e dytë, lojtarët e Feyenoord nuk patën ndërmend të ulnin “marshin” dhe ishin për të gjithë kohën të fokusuar nga sulmi.
Goli i katërt u shënua në minutën e 56 nga Minteh ndërsa listës iu shtua edhe ish-lojtari i Ajax, Timber që shënoi në të 62-tën.
Në fund, shënoi sërish ai që hapi llogaritë e ndeshjes, Paixao duke vulosur rezultatin e thellë dhe turpërues 6-0. ‘
Pas kësaj fitoreje, Feyenoord ngjitet në kuotën e 69 pikëve në vend të dytë, ndërsa Ajax mbetet në vendin e gjashtë me 45 pikë.
