FIBA ka vendosur që klubet e Izraelit ndeshjet si vendas do t’i luajnë në Qipro.
Komiteti Ekzekutiv i FIBA mbajti një mbledhje urgjente të premten, ku njoftoi se ka marr mbështetje nga Qeveria e Qipros dhe Federata e Basketbollit të Qipros, shkruan lajmi.net.
Vendimi është rezultat i përpjekjeve të vazhdueshme të FIBA Europe dhe IBBA, për të gjetur një vend të përshtatshëm neutral për të luajtur ndeshjet e tyre në shtëpi.
Kujtojmë që Trepça ishte paraparë të përballej me skuadrën nga Izraeli, Hapoel Galil Elion më 18 tetor, por kjo ndeshje u shty.
Kjo ndeshje ishte e vlefshme për xhiron e parë në Grupin G.
Trepça zhvilloi këtë të mërkurë ndeshjen e parë në këtë grup, ndaj ZZ Leiden, por nuk arriti të marr rezultat pozitiv.
Ndërsa ndeshjet e planifikuara fillimisht midis 30 tetorit dhe 3 nëntorit janë planifikuar të vazhdojnë sipas orarit fillestar, FIBA po punon gjithashtu në mënyrë aktive për të ricaktuar ndeshjet që u shtynë nga Dita e Lojës 1 dhe Dita e Lojës 2 sa më shpejt të jetë e mundur. /Lajmi.net/
— FIBA Media (@FIBA_media) October 27, 2023
