Konform marrëveshjes mes Federatës së Basketbollit të Kosovës (FBK) dhe Federatës Shqiptare të Basketbollit (FSHB),
Final 4 i Femrave këtë vit zhvillohet në Shqipëri, ku FSHB është përcaktuar për qytetin e Vlorës dhe ai i meshkujve do të zhvillohet në Kosovë, derisa për vendin ku do te mbahet do të vendosë Bordi i FBK-së në ditët në vazhdim.
Me ndeshjet e xhiros së dhjetë në Ligën Unike Femrat përfunduan garat e rregullta.
Tashmë janë përcaktuar çiftet gjysmëfinale të kësaj gare, ku katër skuadra do të luftojnë për titullin e kampionit.
Bashkimi u rendit i pari me nëntë fitore e një humbje, derisa Peja 03 e dyta me gjashtë fitore e katër humbje. Partizani dhe Flamurtari nga pesë fitore e pesë humbje siguruan Final 4.
Tirana mbeti jashtë garave shtesë me katër fitore e gjashtë humbje, ndërsa Junior 06 Moni Bau në edicionin debutues kishte një fitore e nëntë humbje.
Në gjysmëfinale do të përballen Bashkimi me Flamurtarin, si dhe Peja 03 me Partizanin.
Ndeshjet gjysmëfinale zhvillohen më 18 mars, derisa ndeshja për vendin e tretë dhe finalja më 20 mars.
Orari
18.03.2025
E martë
18:00 Bashkimi – Flamurtari
20:30 Peja 03 – Partizani
20.03.2025
E enjte
16:00 Ndeshja për vendin e tretë
18:30 Ndeshja Finale
