Gjermani Feliks Zvajer do të arbitrojë finalen e Ligës së Europës midis Totenhemit dhe Mançester Junajtid e cila do të luhet në stadiumin “San Mamés” në Bilbao të Spanjës, të mërkurën më 21 maj në orën 21:00.
Një gjyqtar ndërkombëtar që nga viti 2012, 43-vjeçari gjerman ka drejtuar shtatë ndeshje të Ligës së Kampioneve këtë sezon, përfshirë ndeshjen e dytë gjysmëfinale midis PSG-së dhe Arsenal, dy ndeshje të Ligës së Europës dhe një ndeshje të Ligës së Konferencës. Kjo do të jetë finalja e tij e dytë në një garë të UEFA-s si gjyqtar, pasi ka drejtuar finalen e Ligës së Kombeve të UEFA-s në vitin 2023 midis Kroacisë dhe Spanjës. Ai gjithashtu ka arbitruar katër ndeshje në Europianin 2024, përfshirë gjysmëfinalen midis Anglisë dhe Holandës.
Germany’s Felix Zwayer will referee the 2025 UEFA Europa League final between Tottenham and Manchester United on Wednesday 21 May.
#UELfinal— UEFA Europa League (@EuropaLeague) May 12, 2025
Ndërsa në finalen e Ligës së Konferencës mes Çelsit dhe Real Betis që do të luhet më 28 maj, do të jetë Irfan Peljto nga Bosnja dhe Hercegovina që do të vendosë drejtësi. 40-vjeçari ka qenë gjyqtar ndërkombëtar që nga viti 2015 dhe do të drejtojë finalen e tij të parë të një kompeticioni për klube në UEFA. Këtë sezon ai ka arbitruar shtatë ndeshje të Ligës së Kampioneve UEFA, përfshirë ndeshjen e parë çerekfinale midis Arsenalit dhe Real Madrid, dhe katër ndeshje të Ligës së Europës.
Bosnia and Herzegovina’s Irfan Peljto will referee the 2025 UEFA Conference League final between Real Betis and Chelsea.#UECL — UEFA Conference League (@Conf_League) May 12, 2025
BRIKENA BISKU-PANORAMASPORT.AL
