Sofyan Amrabat ka tërhequr vëmendjen e Manchester Unitedit dhe Fiorentina tani po pret që të arrijë oferta e parë.
26-vjeçari “shpërtheu” vitin e kaluar në Kupën e Botës me Marokun, duke luajtur një rol vendimtar në ecurinë historike deri në gjysmëfinale.
Mënjëherë në janar ai u kërkuar nga Barcelona, por nuk ia doli të nënshkruante me të, me Fiorentinan që dëshironte ta mbante deri në këtë verë.
“QS” ka raportuar se klubi italian po pret një ofertë nga Manchester United në fazat e para të javës së ardhshme.
Raportet në Angli sugjerojnë se “Djajtë e Kuq” janë të gatshëm të paguajnë rreth 28 milionë euro për mesfushorin maroken, i cili tashmë i ka dhënë dritën jeshile lëvizjes.
Amrabat ka edhe një vit në kontratën e tij me “Violan”, mirëpo largimi i tij këtë verë duket i pashmangshëm.
Vëllai dhe agjenti i lojtarit, Nordin Amrabat, së fundmi tha për “ESPN” se: “Ten Hag është magjepsur nga vëllai im, ai depërtoi me të dhe ata kanë një marrëdhënie të mirë”.
Bazuar në “Transfermarkt”, Sofyan Amrabat në treg vlerësohet me 30 milionë euro.
