Olimpiakos ka shkruar historinë sot, duke u bërë skuadra e parë e futbollit grek që siguron trofeun në një nga kompeticionet madhore ndërkombëtare. Skuadra greke ka mundur 1-0 Fiorentinën në finalen e Ligës së Konferencës, duke siguruar këtë trofe në një natë historike për ta.
Në një ndeshje ku rastet ishin me pikatore, koha e rregullt nuk prodhoi gola dhe shtesat u bënë vendimtare. Heroi i këtij rrugëtimi për Olimpiakos, marokeni EL Kabi, ishte ai i cili pak minuta para fundit të shtesave dhe fillimit të penalltive, gjeti devijimin e duhur para portës, duke i dhënë suksesin skuadrës së tij.
Ndërkohë, Fiorentina del për të dytin vit radhazi kokulur nga finalja e këtij turneu, përsëri me një gol në minuta e fundit që dënon ekipin italian.
OLIMPIAKOS-FIORENTINA 1-0
116′ El Kabi
NGJARJET KRYESORE
120’+5’ Mbyllet ndeshja me fitoren 1-0 të Olimpiakos që fiton Ligën e Konferencës.
120’+2’ El Arabi merr vendin e El Kabi në radhët e Olimpiakos.
120’+1’ Ikone shfaqet përsëri në zonë por gjuajtja e tij devijohet nga një mbrojtës.
120’ Jepen 5 minuta shtesë.
120’ Ndeshja rifillon vetëm në këtë minutë pas një rishikimi të gjatë të golit me VAR.
117’ Karton i verdhë për El Kabin i cili hoqi fanellën duke festuar.
116’ GOOOL OLIMPIAKOS! El Kabi shfrytëzon në harkim nga e majta për të kaluar në avantazh skuadrën greke. (VIDEO)
110’ Më në fund shfaqet edhe Fiorentina rrezikshëm me një gjuajtje të Ikone e cila bllokohet nga Tzolakis i vëmendshëm. (VIDEO)
106’ Gonzalez dhe Biragi i lënë vendin në fushë Ranierit dhe Beltran në radhët e Fiorentinës.
105’ Përsëri nuk ka gola, mbetet pjesa e dytë shtesë për të gjetur një fitues.
101’ Gonzalez mundohet të prodhojë një gjuajtje të mirë nga distanca, por topi bllokohet nga mbrojtësit.
96’ Jovetiç provon nga jashtë zonës, Terraçiano bën pritje vendimtare duke shpëtuar portën. (VIDEO)
94’ Protesta të grekëve për një prekje topi me dorë të Martinez Kuarta, gjyqtari nuk e sheh si penallti dhe ndëshkon Jovetiç me karton të verdhë. (VIDEO)
91’ Ndeshja rifillon me Kuini në vend të Ortega në radhët e Olimpiakos.
90’+7’ Vjen vërshëllima e gjyqtarit, për fituesin duhen pritur kohët shtesë.
90’ Jepen 7 minuta shtesë.
86’ Horta harkon për El Kabi i cili gjuan me kokë por edhe ai nuk gjen portën e Fiorentinës.
82’ Barak dhe Ikone hyjnë në fushë në vend të Bonaventura dhe Kuame.
80’ Pas një harkimi në zonë, Iborra me kokë gjuan por nuk gjen katërkëndorin me sferën e cila shkon jashtë ngjitur me shtyllën. (VIDEO)
78’ Horta merr vendin e Çikinjos te Olimpiakos.
74’ Arthur i lë vendin Dunkan në radhët e Fiorentinës.
73’ Jovetiç merr vendin e Furtunis në radhët e Olimpiakos përballë ish-skuadrës së tij.
69’ Nzola nis një aksion të rrezikshëm nga e djathta, me sferën që shkon te Kuame, por gjuajtja e këtij të fundit devijohet jashtë nga Tzolakis.
65’ Pas një goditje nga këndi, Milenkoviç me kokë tenton portën, por nuk gjen katërkëndorin. (VIDEO)
59’ Beloti i lë vendin në fushë Nzola në radhët e Fiorentinës.
57’ Një top në thellësi devijohet nga Beloti në rrëshqitje e sipër, por Tzolakis bllokon pasqyrën e portës dhe shmang çdo rrezik të mundshëm.
48-51’ Ndeshja ndërpritet për disa minuta për shkak të një përplasje kokë më kokë mes Retsos dhe Belotit.
46’ Nis pjesa e dytë pa ndryshime mes dy skuadrave.
45’+1’ Mbyllet pa gola pjesa e parë.
45’ Jepet një minutë shtesë.
43’ Martinez-Kuarta ndëshkohet me karton të verdhë.
41’ Terraçiano grushton mirë para El Kabi i cili po vinte me shpejtësi pas një topi në thellësi.
39’ Rast i shkëlqyer për italianët, një top i kthyer nga e djathta drejt qendrës devijohet nga Tzolakis i cili i mohon mundësinë Belotit për të devijuar sferën para portës. (VIDEO)
32’ Një top i gjatë shkon drejt Kuame në të majtën, Tzolakis del nga zona dhe me kokë largon sferën.
29’ Podens është i ndëshkuari i parë me karton të verdhë për ndeshjen e sotme.
25’ Pas një goditje këndi, topi shkon rrezikshëm drejt portës së Fioreninës, por Terraçiano është i vëmendshëm. (VIDEO)
22’ Përsëri Bonaventura detyron Tzolakis të dalë dhe i heqë topin nga këmbët futbollistit pas një shpërthimi në të majtën.
21’ Bonaventura merr topin në zonë dhe gjuan drejt portës, por gjen përgjigjen e portierit në pozicion. (VIDEO)
20’; Një goditje dënimi nga thellësia mundohet të gjejë Iborra brenda zonës së Fiorentinës, por topi shkon në fundore pa u devijuar.
16’ Pas minutave të parë të vrullshme, tani ritmi i lojës është më i ulët dhe skuadrat janë shumë të vëmendshëm duke mos rrezikuar.
9’ Një pasim nga e djathta pas zhvillimit të një goditje këndi gjen devijimin në rrjetë të Milenkoviç për Fiorentinën, por goli anulohet për pozicion jashtë loje. (VIDEO)
5’ Përgjigjet Fiorentina me një kundërsulm të shpejtë, pasi një top nga e djathta nuk devijohet nga Kuame në qendër, por gjen Belotin i cili gjuan jashtë.
4’ Podens provon nga e majta, por gjen përgjigjen e Terraçianos i cili devijon në goditje këndi. (VIDEO)
1’ Nis dueli në Athinë.
FORMACIONET ZYRTARE
PANORAMASPORT.AL
