Në ndeshjen e radhës pas rikthimit nga pauza e kombëtareve, Interi do të përballë Juventusin në transfertë dhe për të nxehur atmosferën që tani, ka menduar Xhuzepe Marota. Administratori i deleguar i Interit i ka cilësuar bardhezinjtë si skuadrën favorite për titull, ndërsa ka vlerësuar grupin zikaltër dhe Lautaro Martinezin.
“Juventusi është favorit për mua, sepse ata mund ta planifikojnë javën më mirë, kanë një avantazh psiko-fizik, por për ne kjo nuk duhet të jetë një alibi, por një stimul për të krijuar një kampionat bindës deri në fund. Interi po rritet dhe krahasuar me vitet e kaluara kemi fituar një mentalitet të fortë. Ky Inter e di mirë që duhet të vuajë për të mbërritur objektivat dhe e di edhe që duhet të përmirësohet edhe më tej.
Lautaro? Ne mund të flasim për kontratën me qetësi. Aspekti themelor është se të dyja palët duan të vazhdojnë dhe kjo e bën çdo vështirësi të kapërcyeshme. Mendoj se çmimi është i merituar për atë që u shfaq”, tha Marota për “Sky Sports”.
PANORAMASPORT.AL
