Mesfushori i Realit, Dani Sebajos ka folur pas suksesit kundër Getafes, duke nënvizuar se kjo është rruga e vetme e Realit për të mbërritur Barçën, duke fituar ndeshjet e veta.
“Jam shumë i kënaqur për këtë fitore të radhës, sepse na afron edhe më shumë me Barcelonën. Edhe me paraqitjen time jam i kënaqur. Trajneri po më jep besim dhe unë po mundohem t’ia shpërblej”, deklaroi mesfushori.
Më pas ai shtoi për garën në distancë me Barcelonën.
“E vetmja mënyrë që ne t’i afroheshim Barcelonës ishte duke fituar ndeshjet tona. Edhe ata do të gabonin, kjo është e vetëkuptueshme. Por ne jemi treguar të aftë për të shfrytëzuar maksimalisht ndeshjet tona. Tani luajmë sërish të mërkurën një ndeshje të vështirë, por ka ardhur momenti të besojmë më shumë në vetvete”, komentoi Sebajos.
PANORAMASPORT.AL
