Veprimtaria mbarëkombëtare e basketbollit për femra midis Shqipërisë dhe Kosovës, Liga Unike, ka luajtur të takimet e javës së 6-të të fazës së grupeve. Dhe Rrjeti i Radio-Televizionit Shqiptar ka sjellë për sportdashësit drejtpërdrejt dhe ekskluzivisht në kanalin RTSH 3, përballjen më të spikatur, atë që u u luajt në Vlorë, midis Flamurtarit dhe Bashkimit të Prizrenit.
Kjo ndeshje nisi në ora 17:00 dhe pa skuadrën prizrenase që e mbizotëroi 10-minutëshin e parë, 23-13, ashtu sikundër e fitoi edhe të dytin, 18-16, duke shkuar në pushimin e madh midis dy gjysmave në kryesim, 41-29. 10-minutëshi i 3-të fitohet nga vlonjatet 24-21, por nuk mjafton, pasi Bashkimi i Prizrenit e fiton të 4-tin dhe të fundit 16-14 dhe gjithë ndeshjen 78-67.
Po në të njëjtën kohën, në Kosovë u luajt përballja midis Prishtinës dhe Partizanit, që u mbyll me rezultatin 81-65, ndërsa më vonë, është luajtur në Pejë sfida midis Penzës vendase dhe Tiranës.
