E gjithë bota ka komentuar në 24 orët e fundit ngjarjen që ndodhi në ndeshjen e Serisë A mes Udinezes dhe Milanit, ku sfida u ndërpre për disa minuta pas thirrjeve raciste në adresë të Majk Menja, Një situatë shumë e pakëndshme që është komentuar gjerësisht dhe ku përtej portierit, protagonist ishte edhe gjyqtaria Fabio Mareska, i cili ka marrë lëvdata për mënyrën se si përballoi situatën.
Ai ka shpjeguar për “ANSA” se çfarë ndodhi në ato momente në fushë dhe se në fakt ishte kufizuar te zbatimi i plotë i rregullores për raste të tilla, ndonëse kishte ndjerë shumë keqardhje për portierin e Milanit.
“Unë u solla si një vëlla i madh, sinqerisht ndjeva keqardhje për Menja i cili ishte qartësisht i tronditur në aspektin emocional Kam ndjerë shumë shqetësim për ato ulërima vulgare.
Duhet theksuar që rregullorja është e qartë, linja që ndjek shoqata e gjyqtarëve dhe dizenjatori Roki nuk lejon keqkuptime dhe unë thjesht u kufizova te ndjekja e tyre, ashtu siç e kam për detyrë”, theksoi Mareska në këtë deklaratë për ngjarjen e cila mori vëmendjen e opinionit sportiv botëror.
PANORAMASPORT.AL
