Ballkani është duke triumfuar me lehtësi ndaj Malishevës, Xhebrailat tashmë kanë mposhtur katër herë këtë edicion skuadrën e Qëndrim Kidës.
Sot në Suharekë, për asnjë moment bardhekaltërit nuk arritën të jenë në nivel me Ballkanin, duke humbur ndeshjen me plotë meritë.
Pjesa e parë ishte mbyllur pa gola, por në të dytën kampionët treguan forcën e tyre të vërtetë.
Qëndrim Kida pas ndeshjes deklaroi.
“Fillimisht, e kemi analizuar Ballkanin por dështuam. Pjesa e parë shkoi mirë dhe kemi pasur rastet tona. Kemi mundur të kalonim në avantazh. Pjesën e dytë, Ballkani bëri presion ndërsa ne dështuam në vendosje”.
“E kemi ditur se për ta është ndeshje e rëndësishme. Ata bën presion të madh. Është e dhimbshme se si i pranuam golat, pasi e kishim paralajmëruar mbrojtjen në pikat e tyre më të forta. Jemi munduar ta barazonim rezultatin por nuk rezultuam të suksesshëm”.
“Unë kam besim te këta djem edhe pse jemi të ngarkuar shumë. Ne do të mundohemi të përgatitemi sa më mirë për ndeshjet e ardhshme”, ka thënë Kida për “ArtMotion” pas ndeshjes.
