Julian Alvarez ishte objektivi kryesor i Barcelonës në këtë afat kalimtar, por negociatat me Atlético Madrid duken gjithnjë e më të ndërlikuara. Klubi ka mbajtur një qëndrim të fortë, duke refuzuar të hapë një marrëveshje për argjentinasin jo vetëm me Barçën, por edhe me Real Madrid.
Sipas “Marca”, përballë kësaj situate, trajneri Hansi Flick dhe drejtori sportiv Deco tashmë kanë finalizuar strategjinë e tyre për fundin e afatit kalimtar. Nëse nuk mund ta sigurojnë Alvarez atëherë Barcelona nuk do të sigurojë një tjetër qendërsulmues.
I vetmi përjashtim mund të jetë një mundësi veçanërisht e favorshme dhe e papritur në ditët e fundit të afatit kalimtar, një skenar që konsiderohet i pamundur. Alvarez mbetet prioriteti i klubit “baugrana”, por pa argjentinasin, klubi duket i prirur të përmbahet nga ndërhyrjet e mëtejshme ofensive.
